Ամառային Համալսարան Եղեգնաձորում

    Ամառային նորություններս շարունակեմ և պատմեմ այս տարի օգոստոսի 4-25ը Սյունիք ՀԿ-ի կողմից  և գերմանական ԻԻԴ կամակերպության հովանավորությամբ Եղեգնաձորում կազմակերված „Ամառային Համալսարան” ճամբարի մասին: Ճամբարի նպատակն էր համախմբել մի խումբ երիտասարդ ուսանողների Հայաստանից ու Վրաստանից , ովքեր պետք է  միասին ուսումնասիրեին  էկոլոգիական գլոբալ խնդիրներ և փորձեին նոր լուծումներ առաջարկել:

 

  Ճամբարն  ուներ հագեցած աշխատանքային գրաֆիկ : Մենք բաժանվեցինք ինտերնացիոնալ խմբերի ու սկսեցինք կատարել մեր առջև դրված առաջադրանքները: Ճամբարի ընթացքում երեք օր անցակցվեցին դասընթացներ էկոլգիայի, էկոլոգիական գլոբալ խնդիրների մասին: Դասընթացները վարում էր „Բիոֆիա” կազմակերպության ղեկավար Գևորգ Պետրոսյանը: Դասընթացներն ինտերակտիվ էին և ուղեկցվում էին  խաղերով և ինչու չէ նաև փոքրիկ մրցույթներով:

   Իսկ արդեն հաջորդ օրերի ընթացքում յուրաքանչյուր աշխատանքային խումբ պետք է կատարեր հետազոտություններ էկոլոգիական տարբեր խնդիրների մասին և գրեր զեկույց յուրաքանչյուրի մասին, իսկ վերջում էլ ներկայացներ ու միաժամանակ իր ուսումնասիրած խնդրի համար առաջադրեր համապատասխան լուծումներ:

 Աշխատանքային խմբերով այցելեցինք Զորաց վանք, Հերմոնավանք, Հերմեն գյուղ, որտեղ զրուցեցինք գյուղապետի` Գայ Սահակյանի հետ և ծանոթացանք (հետո էլ մեր զեկույցներում արծարծեցինք) գյուղի խնդիրների հետ, եղանք նաև Եղեգիս գետի ափին և Եղեգնաձորի ջրվեժում:

 

    Ճամբարի ընթացքում դիտում էինք նաև ֆիլմեր կրկին էկոլոգիական խնդիրների մասին: Կարող եմ ասել , որ թե դասերը , թե ֆիլմերը մեզ շատ բան սովորեցրին, բաներ , որ նախկինում մենք չէինք նկատում,իսկ դրանք իրականում շատ մեծ խնդիրներ են բնության համար: Իսկապես չիշտ են  Էմերսոնի հետևյան խոսքերը „Բնությունը տանել չի կարողանում անճշտություններ և չի ներում սխալները”: Կամակերպվում էին նաև մշակութային երեկոներ ու ժամանցային ծրագրեր:

 

 Չնայած ճամբարը տևելու էր 21օր (ինչը շատերի համար կարող է շատ երկար թվալ), բայց մթնոլորտն  ու մասնակիցներն այնքան լավն էին , որ ամենադժվարը բոլորիս համար բաժանումն էր....Ամենավերջում մեզ բոլորիս համախմբեց խարույկը, աստղազարդ երկինքն ու բաժանման թախիծը... Իսկապես չեմ կարողանում խոսքեր գտնել նկարագրելու համար այն ամենը , ինչ մենք ապրեցինք վերջրն օրը....Իսկապես դժվար է բաժանվել նրանցից, ում հետ շատ ես մտերմացել ու կապվել:

Read More

Հանդուրժողականության կառուցում Լուսակերտում

 Կարծում եմ ակտիվ և արդյունավետ հանգիստը լավ աշխատանքի նախադրյալներից մեկն  է: Իսկ ես կարող եմ ասել, որ ինքս շատ լավ հանգստացա և ինձ հետ բերեցի շատ ու շատ նորություններ, որոնցով կուզենայի կիսվել ձեզ հետ:

Նորություններից մեկը վերաբերում է իմ` անոնսում հիշատակված միջմշակութային ճամբարին:

Եվ այսպես... Այս տարի օգոստոսի 19-24ը Լուսակերտում կազմակերպվեց  „Հանդուրժողականության կառուցում” խորագիրը կրող ամառային ճամբարն ազգային փոքրամասնությունների համար: Ճամբարը կազմակերպել էր  ՄԱԿ-ի  Հայկական ասոցիացիան ՄԱԿ-ի հանրային տեղեկատվության Երևանյան գրասենյակի, ԵԱՀԿ Երևանյան գրասենյակի և „Բաց հասարակություն” իստիտուտի աջակցությամբ:  Ճամբարի նպատակն էր Հայաստանում ապրող ազգային փոքրամասնությունների ներկայացուցիչներիս համախմբել հանդուրժողականության  մթնոլորտում, միաժամանակ այդպիսով օգնել մեզ ճանաչել միմյանց ու միմյանց մշակույթը:

Այս հինգ օրերի ընթացքում ամեն օր կազմակերպվում էին սեմինարներ ու դասընթացներ , որոնք վարում էին Հայաստանում գործող տարբեր միջազգային կազմակերպությունների ներկայացուցիչները: Ճամբարի առօրյան լի էր նաև խաղերով, մրցույթներով ու մշակութայւն երեկոներով, որոնց ժամանակ մեզանից յուրաքանչյուրը  ներկայացնում էր իր  ազգային մշակութը , երգն ու պարը: Իսկ ամենավերջում `որպես հանդուրժողականության իսկական դրսևորում բոլոր մասնակիցներս միասին պարեցինք հունական սերտակի պարը:

  Վստահորեն կարող եմ ասել, որ ճամբարում օրերն անցան ջերմ ու ընկերական մթնոլորտում, իսկ ինչն ամենակարևորն է մենք շատ գիտելիքներ ձեռք բերեցինք, որոնք անպայման կկիրառենք մեր կյանքում և շփման մեջ: Չէ± որ հանդուրժող լինելը իրականում դժվար չէ, պարզապես պետք է կարողանալ ընդունել դիմացինին այնպիսին , ինչպիսին նա կա, առանց „բայց”երի, „եթե”ների ու „իսկ”երի: Իսկ վերջում կարծում եմ արժե հիշել Հիպոլիտ Տենի հետևյալ խոսքերը` „Անհանդուրժող եղեք միայն դեպի անհանդուրժողականությունը”:

           

Read More

Մեկամսյա թրեյնինգ ՄԱԿ-ի Հայկական ասոցիացիայի կողմից

Այս տարի ապրիլ-մայիս ամիսներին Մակ-ի Հանրային տեղեկատվության վարչությունը իր գործընկեր ՄԱԿ-ի Հայկական ասոցիացիայի հետ Հայաստանի ազգային փոքրամասնությունների երիտասարդ ներկայացուցիչների համար կազմակերպեց  լիդերության և մենեջմենտի համառոտ դասընթաց , որի նպատակն էր օգնել մեզ  կարողանալ մատչելի ձևով Հայաստանում գտնվող միջազգային հանրությանը ներկայացնել մեր համայնքների խնդիրները: Մեկ ամսվա ընթացքում կազմակերպվեցին 3 թրեինինգներ և աշխատանքային խմբերի մի քանի հանդիպումներ:

Դասընթացները վարում էին ՄԱԿ ՀԱ-ի Հանրային կապերի պատասխանատու Ամալյա Գրիգորյանը, ՄԱԿ-ի ՀԱ-ի  փոխնախագահ Արամ Ոսկանյանը: Դասընթացների ժամանակ մասնակիցներին սովորեցնում էին, թե ինչպես պետք է կազմել ծրագիր, ինչպես այն պատշաճ ձևով ներկայացնել, ինչպես ստանալ դրամաշնորհ պետությունից կամ պետական մարմիններից այն իրականացնելու համար և այլն:Ծրագրի ընթացքում բաժանվեցինք խմբերի և սկսեցինք կազմել մեր իսկ առաջարկած ծրագրերը: Քանի որ ծրագրում մասնակցում էինք միայն մենք` ազգային փոքրամասնությունների ներկայացուցիչներս, ծրագրերն արծարծում էին հենց մեր, մեր համայնքների խնդիրները:

  Ծրագրերի   ներկայացման և դասընթացի պաշտոնական փակման վերջին օրը մայիսի 21-ն էր` հանուն երկխոսության և զարգացման մշակութային բազմազանության համաշխարհային օրը: Այդ օրը ազգային փոքրամասնությունների ներկայացուցիչները պատրաստեցին իրենց ազգային անկյունները, իսկ փակման արարողության երկրորդ հատվածում արդեն  ներկայացրինք  մեր կազմած ծրագրերը:

Ծրագրի վերջում բոլորս ստացանք վկայականներ և  հետաքրքիր ձեռնարկ ` “Մարդու իրավունքներ”`հրատարակված ՄԱԿ-ի կողմից:

Իսկ ակտիվ աշխատանքի արդյունքում կունենանք ակտիվ հանգիստ Լուսակերտում

Թրեինինգների ընթացքում մեր կողմից կազմված ծրագրից մեկը,որի հեղինակն էի նաև ես ,արժանացավ դրամաշնորհի :Այս տարի  օգոստոսի 19-24ը կիրականացվի ծրագիրը և կկազմակերպվի  ամառային ճամբար ազգային փոքրամասնություններ ներկայացուցիչների համար:Ճամբարը լինելու է Լուսակերտում :Ծրագրի ընթացքում մասնակիցները կշփվեն միմյանց հետ, իրենց ակտիվ հանգիստը կանցկացնեն և  խաղերի , դասընթացների , մրցույթների ու մշակութային երեկոների միջոցով կծանոթանան միմյանց մշակույթին:

Read More