Լեհահայերի մշակույթի և ժառանգության
հիմնադրամի հովանավորությամբ Լեհաստանում լույս է տեսել անսովոր և հետաքրքրիր` «Հայաստանի անցյալից» վերնագրով լեհերեն լեզվով ժողովածուն,
որում ընդգրկված են հայտնի հայ աշխարհագրագետ, ազգագրագետ, լեզվաբան և պատմաբան Ստեփան Լիսիցյանի (1865-1947) հեղինակած լեգեդները, հեքիաթներն ու պատմվածքները:
Հայերենից լեհերեն թարգմանությունն իրականացրել է Լեհաստանի Յագիելոնյան համալսարանի պրոֆեսոր, հայագետ Անդժեյ Պիսովիչը, ով գիրքը համալրել է նաև հայկական մշակույթի, պատմության և լեզվի մասին հավելյալ հետաքրքիր տեղեկություններով: Գրքի նկարազարդման հեղինակն է Լեհաստանում բնակվող հայտնի հայ նկարիչ, արվեստագետ Տիգրան Վարդիկյանը:
Սա Լեհաստանի գրականության մեջ հայկական մշակույթի և ավանդույթների մասին պատմող առաջին հավաքածուն է, որը վստահաբար պետք է հետաքրքրի մասնավորապես բոլոր նրանց, ովքեր ցանկանում են ավելին իմանալ Հայաստանի և հայերի մասին:
Ընթերցողները գիրքը կարող
են ձեռք բերել ` պատվիրելով այն www.allegro.pl կայքից կամ անմիջապես հիմնադրամից:
0 comments:
Post a Comment